Sindikata e Bashkuar e Arsimit Shkencës dhe Kulturës

Në vazhdimësinë e angazhimeve për të gjetur mirëkuptim për implementim të plotë të Kontratës Kolektive, SBASHK-u përveç takimeve me MASHT-in, sot është takuar edhe me kryetarët e Komunave të Kosovës, të cilët janë ftuar nga Ministri i MASHT-it,z.Arsim Bajrami, për të shikuar mundësinë që edhe kryetarët e komunave mundësisht të kontribuojnë në marrjen e obligimeve financiare të ndonjë pjese të Kontratës Kolektive,për ta implementuar në tërësi, por fatkeqësisht edhe kjo përpjekje për momentin nuk dha përgjigje të dëshiruar dhe nuk mundëson implementimin e plotë të Kontratës Kolektive.
Kështu që mbeten qëndrimet e mëhershme të SBASHK-ut që nesër me 10 janar të takohet Këshilli Drejtues i SBASHK-ut për ta analizuar situatën aktuale dhe për të marrë vendim dhe për të caktuar datat për veprime sindikale.