Sindikata e Bashkuar e Arsimit Shkencës dhe Kulturës

Ka nisur ndarja e kartelave sindikale edhe në Viti 

Viti, 3 Qershor 2014

Kryetari i Kuvendit të SAF e SAM të Vitisë, z. Murat Abazi, bashkë me kryesinë dhe veprimtarët tjerë sindikalë janë duke vazhduar me aktivitetet në këtë komunë. Këtyre ditëve atje ka nisur ndarja e kartelave të identifikimit për anëtarët e SBASHK-ut në institucionet arsimore “Kenan Halimi” dhe “Gjon Sereqi” për të vazhduar në të ardhmen edhe me shkollat e tjera të kësaj komune. 
    Kryetari Murat Abazi thekson se po shkohet me radhë në ndarjen e kartelave ashtu si ato shtypen në Prishtinë për shkollat e komunave të Kosovës. Ai ka parë nga afër në qendër se procesi i vënies së shënimeve në data bazë e pastaj edhe shtypja e kartelave është një proces që do kohë dhe prandaj ky aktivitet për t’u përfunduar i tëri kërkon durim dhe afate të konsiderueshme, jo pse mungon angazhimi, por pse procesi i punimit të karteleve është i tillë. Z.Abazi shton se në kuadër të angazhimeve sindikale ai me Kryesinë  e Kuvendit të SAF e SAM të Vitisë do të vizitojë edhe shumë shkolla për të bashkëbiseduar  nga afër me anëtarët e sindikatës e për të parë se cilat angazhime duhet bërë në shërbim të arsimit të kësaj komune.