Kontrata Kolektive e arsimit është pritur mirë edhe në Viti
Viti, 28 Maj 2014
Pas nënshkrimit, Kontrata Kolektive e arsimit u botua dhe ka filluar të udhëtojë drejt mësimdhënësve sindikalistë , drejtorëve të shkollave dhe drejtorëve të DKA-ve. Kjo Kontratë është pritur mirë edhe në Komunën e Vitisë . Në një ceremoni festive kryetari i Kuvendit të Sindikatave të SAF e SAM të Komunës së Vitisë, z. Murat Abazi i ka dorëzuar një ekzemplar të Kontratës Kolektive, Drejtorit të DKA-së së kësaj komune, z. Qahil Sinani. Ata pastaj kanë bashkëbiseduar dhe janë zotuar se do të angazhohen bashkërisht në shërbim të arsimit dhe do të jenë zë i fuqishëm i të punësuarve në arsim në përpjekje për të realizuar të drejtat dhe kërkesat e tyre të drejta. Drejtori Sinani ka falënderuar të parin e Sindikatave të Arsimit në Viti, z. Murat Abazi për vizitën dhe ka përgëzuar Sindikatën për nënshkrimin dhe shpërndarjen e Kontratës, duke u shprehur i sigurt se ajo është mbështetje e fortë e të gjithëve për arritje edhe më të mëdha në edukimin dhe arsimin e brezave në këtë Komunë .