Sindikata e Bashkuar e Arsimit Shkencës dhe Kulturës

Ministri Likaj u takua me kryetarin e SBASHK-ut

Përgatitjet për vitin e ri shkollor dhe kërkesat konkrete të SBASHK-ut
Prishtinë, 10 gusht 2020
Foto nga takimiMinistri i Arsimit dhe Shkencës Ramë Likaj bashkë me shefin e kabinetit të tij Gëzim Berisha janë takuar me kryetarin e SBASHK-ut Rrahman Jasharaj. Ministri Likaj ka informuar kryetarin e SBASHK-ut për gjithë angazhimet e bëra deri tani për fillimin e vitit të ri shkollor bazuar në rrethanat aktuale duke theksuar se janë përgatitur nga MASH-i tri opsionet e mundshme dhe se për to do të diskutohet edhe në instancat më të larta të shtetit. Kryetari Jasharaj ka thekuar se SBASHK me të gjitha mundësitë do të jetë në mbështetje në MASH-it lidhur me angazhimet për fillimin e vitit të ri shkollor. Kryetari Jasharaj ka thënë se cili do vendim lidhur me fillimin e vitit të ri shkollor nuk është i lehtë dhe se kërkon angazhimin, jo vetëm të MASH-it, DKA-ve dhe SBASHK-ut , por edhe të gjithë institucioneve qendrore e lokale. Mendojmë se duhet zhvilluar një debat edhe në Parlamentin e Kosovës në mënyrë që të nxjerrën ide dhe të caktohen detyra konkrete për të gjithë . Ai ka shtuar se nuk ka qenë veprim i drejt shkurtimi i mjeteve buxhetore të MASH-it me rastin e rishikimit të buxhetit sepse në cilën do variant që nis viti shkollor konsiderojmë se MASH-i ka pasur nevojë për mbështetje shtesë buxhetore e jo të ndodhin shkurtime.
Në vazhdim të këtij takimi është arritur marrëveshja që të formohen komisionet nga MASH-i dhe SBASHK-u për të negociuar lidhur me Kontratën e re Kolektive të Arsimit të Kosovës në mënyrë që pas arritjes së marrëveshjes për tekstin përfundimtar edhe të nënshkruhet kjo Kontratë nga MASH-i dhe SBASHK-u.
Një çështje e rëndësishme që është debatuar në këtë takim është edhe ajo lidhur me mësimdhënësit e punësuar e që kanë 180 kredi. Të dy palët janë pajtuar që kjo çështje të analizohet dhe të merren hapat konkret për të zgjidhur ashtu si duhet duke ndryshuar Udhëzimin Administrativ 10/2018 dhe duke iniciuar mundësinë që të fillohet me programin për ngritjen e profesionale të tyre pa shkëputje nga puna.
Të dy palët janë pajtuar që me angazhime të përbashkëta të vazhdojnë përpjekjet që të arrihet zgjidhje e drejt dhe ligjore për punëtorët e arsimit që janë me sëmundje të rënda.
Ministri Likaj duke vlerësuar angazhimet e SBASHK-ut edhe në këtë takim është shprehur se do të vazhdojë bashkëpunimi dhe se përfaqësues të sindikatës do të jenë të përfshirë në të gjitha komisionet dhe grupet punuese , kudo që kanë mundësi të japin kontributin e tyre në shërbim të arsimit.

Me anëtarët e SBASHK-ut në bregdetin shqiptar

Respekt meritor për SBASHK-un dhe për stafin e "Bonita"
Prishtinë, 17.07.2020
kjo1Ishin krijuar vështirësi shtesë për shkak të pandemisë, por stafi i SBASHK-ut me angazhime shtesë e në komunikim të vazhdueshëm me veprimtarët sindikal të nivelit komunal e të Universiteteve kanë arritur të përmbyllin me sukses të plotë njërin nga aktivitetet e veçanta në shërbim të anëtarësisë. Tradita e mirë e dërgimit për pushime në bregdetin shqiptar e qindra anëtarëve të SBASHK-ut vazhdoi edhe këtë vit.
Me qëllim që të respektohen në përpikëri të gjitha këshillat dhe vendimet e institucioneve gjegjëse shtetërore të Kosovës dhe Shqipërisë janë bërë gjithë angazhimet nga komisioni i SBASHK-ut për përgatitjen e pushimeve dhe nga stafi i "Bonita".
Pasi janë kryer me sukses gjithë përgatitjet pushimet filluan më 6 korrik. Në grupin e parë të pushuesve ishin Vushtrria, Mitrovica, Leposaviqi, Zveçani, Skenderaj, Prizreni, Kaçaniku, Hani i Elezit, Ferizaj, Shterpca, Shtime, Suhareka, Klina, Istogu, Peja, Deçani e Juniku. Ditët shoqëruar me humorin e lehtë në bashkëbisedat mes kolegëve dhe me valët e qeta të detit shqiptar kanë ikur shpejtë. Madhështinë i shtonin pushimeve mbrëmjet me freskun e lehtë shoqëruar nga ritmi i melodive dhe këngës shqipe dhe i valles me motive kreshnike nga bjeshkët e Kelmendit, që këtu i solli Ansambli Autokton "Rugova".
Erdhi 12 korriku dhe drejt bregdetit shqiptar filluan rrugëtimin pushuesit e grupit të dytë. Janë kolegët tanë sindikalistë të përzgjedhur nga Lipjani, Kastrioti(Obiliqi), Biblioteka Kombëtare, Qendra e studentëve, Fushë Kosova, Drenasi, Podujeva, Prishtina, Universitetet, Kamenica, Gjilani,Vitia, Kllokoti, Dragashi, Malisheva, Rahoveci, Gjakova dhe Mamusha. Mikpritja e pronarit dhe e stafit të Kompleksit Hotelier Turistik "Bonita" dhe angazhimi në nivel të lartë i stafit të SBASHK-ut ka bërë që kolegët tanë ta harrojnë lodhjen e rrugës dhe pasi janë akomoduar dhe kanë drekuar janë shoqëruar me valët e qeta të detit shqiptar.kjo2
Në këtë shkrim përmbyllës për këtë aktivitet të qëlluar e të vlerësuar lart nuk do të flasim ne anëtarët e zyrës për informim të SBASHK-ut, por do përcjellim te lexuesit disa nga opinionet dhe vlerësimet e pushuesve, ashtu si janë shprehur vetë ata.
"Në Kosovë po jetonim me ankthin e lajmeve për Covidin e këtu pushuesit kanë gjetur qetësinë, që reflekton me ngjyra drite e jete. Mbrëmjet me muzikën e bukur shqiptare ia shtojnë bukurinë atmosferës së qetë dhe shoqërohen me ritmin e qetë të valëve të detit shqiptar", ka shkruar në fletoren e përshtypjeve Rexhepi nga Ferizaj.
"I jemi shumë mirënjohës kryetarit Jasharaj dhe stafit qendror të SBASHK-ut që vazhdoi me traditën e mirë. Mikpritja dhe respekti i stafit të "Bonita". E madhe kjo mikpritje aq sa është i madh vetë deti shqiptar. Kjo na ngjalli emocione dhe na bëri të kthehemi në kujtimet e së kaluarës për Shqipërinë nënë. Tani jemi një dhe askush nuk mund të na ndaj", kanë bartur emocionet e tyre në fletoren e përshtypjeve kolegët tanë sindikalistë Xaviti, Ganiu e Gazmendi.
"Respekt për SBASHK-un. Respekt për përkushtimin e angazhimet e kryetarit Jasharaj. Respekt për z. Ymeri dhe të gjithë stafit qendror. Respekt dhe ju faleminderit pronarit dhe stafit të "Bonita". Ishin ditë të bukura këto që i kaluam buzë detit shqiptar", ka shprehur përshtypjet e tij anëtari i SBASHK-ut, Sylejmani nga Pasjaku.
kjo3Janë tri fletore me përshtypjet e pushuesve që do të ruhen në arkivin e SBASHK-ut. Ne për lexuesit tanë të nderuar do të botojmë edhe në ditët në vijim fragmente nga këto përshtypje e madje një pjesë të tyre edhe do t'i përcjellim ashtu si janë shkruar.
Bashkë e në SBASHK do të vazhdojmë rrugëtimin në përpjekje për realizimin e kërkesave të anëtarësisë dhe në arritjen e sukseseve të reja. Na priftë e mbara.

SBASHK-u me grupin e dytë të pushuesve në bregdetin shqiptar

Pushuesit shprehin respektin dhe krenarinë për sindikatën e tyre
Prishtinë, 13.07.2020
deti2Një numër i konsiderueshëm i anëtarëve të SBASHK-ut nga Vushtrria, Mitrovica, Leposaviqi, Zveçani, Skenderaj, Prizreni, Kaçaniku, Hani i Elezit, Ferizaj, Shtërpca, Shtime, Suhareka, Klina, Istogu, Peja, Deçani e Juniku po përbënin grupin e parë të pushuese që në mënyrë të organizuar erdhën në Kompleksin Hotelier Turistik "Bonita" më 6 korrik në kuadër të aktivitetit tradicional të SBASHK-ut për organizimin e pushimeve në shenjë respekti për punën e përkushtimin e anëtarëve në shërbim të arsimit. Ata ishin shprehur shumë të kënaqur me organizimin dhe mikpritjen nga pronari dhe stafi në "Bonita".
Ditët u kalonin shpjet në shoqëri me valët e qeta të detit shqiptar, kurse në mbrëmje, duke respektuar masat dhe kujdesin, bëheshin pjesë e atmosferës plot emocione krijuar nga këngët e vallet shqipe nga mjeshtër të muzikës shqiptare. Në këtë atmosferë plot emocione ishte bërë pjesë edhe Ansambli Autokton "Rugova", që në shenjë respekti për angazhimet nëpër vite e dekada të mësuesit ,kishin ardhur të ndajnë këto momente gëzimi dhe kishin sjellë në Durrës veshjet dhe këngën e vallen e ruajtur nëpër dekada e shekuj. Kjo vizitë u mundësua falë vullnetit të këtyre artistëve dhe mikpritjes së pronarit të "Bonita".Kryetari i SBASHK-ut Rrahman Jasharaj në fjalën përshëndetëse është shprehur krenar me koleget e kolegët e tij, që me sjelle dinjitoze kishin përfaqësuar e ruajtur figurën e mësuesit. Ai ka falënderuar edhe pronarin dhe stafin e "Bonita" , maestron e muzikës Bardhin dhe Ansamblin Autokton "Rugova". Pushuesve të grupit të parë po u iknin shpejt ditët e pushimit dhe shumë nga ta përshtypjet i kanë lënë të shkruara dhe ato do të botohen në shkrimet e radhës.
Ishte ditë e shtunë dhe pushuesit e grupit të parë duke këmbyer numra telefoni e adresa me njëri tjetrin dhe duke u përshëndetur me stafin e "Bonita"u nisen drejt Kosovës me autobusët e "Boletini Turist". Stafi në "Bonita" nisi punën dhe përgatitjet për t'i pritur mysafirët e radhës sepse po vinin grupi i dytë i pushuesve në aktivitetin rekreativ organizuar nga SBASHK.
Komisioni për organizimin e këtij aktiviteti ishte në krye të detyrës. Që në orët e hershem të mëngjesit po mbahej komunikimi me përgjegjësit e udhëtimit. Pushuesit nga Lipjani, Kastrioti(Obiliqi),Biblioteka Kombëtare, Filarmonia e Kosovës, Qendra e studentëve, Fushë Kosova, Drenasi, Podujeva, Prishtina, Universitetet ,Kamenica, Gjilani,Vitia, Kllokoti, Dragashi, Malisheva, Rahoveci, Gjakova dhe Mamusha po vinin si pjesë e grupit të dytë që po niste pushimin e merituar nga 12 korriku e për 5 ditë me radhë.
Me përkushtim e angazhim të shtuar është bërë akomodimi i pushuesve. Ata pastaj duke respektuar rregullat e distancës dhe kujdesit të shtuar kanë drekuar dhe pastaj janë gjendur në plazhin e bregdetit shqiptar. Pas plazhit ata nuk kanë hezituar të takoheshin individualisht e në grupe të vogla me kryetarin e SBASHK-ut për të bashkëbiseduar e për ta bërë ndonjë foto të rastit.deti22
Edhe këta pushues janë mirënjohës për këtë aktivitet dhe shprehin respektin dhe krenarinë për SBASHK-un duke vlerësuar lart përkushtimin dhe angazhimet e stafit qendror dhe të veprimtarëve sindikal nëpër komuna e Universitete në shërbim të anëtarësisë. Mbrëmja e së dielës shoqërohej me flladin e lehtë që vinte nga deti dhe me vallen e këngën e bukur shqipe. Anëtarët e SBASHK-ut këtu po ndjehen të relaksuar dhe janë shumë të kënaqur me kushtet e ofruara në "Bonita" dhe me sjelljet e kulturuara të stafit. Ata bashkërisht po kujdesen për respektimin e rregullave, që është për të mirën e të gjithëve. Ditët në bregdetin shqiptar e në një atmosferë të tillë ikin shpejt. Edhe pushuesit e grupit të dytë përshtypjet e tyre do t'i shënojnë në fletore . Kryetari i SBASHK-ut shpreh respekt të lartë për gjithë pushuesit që kishin sjellje të kulturuara e dinjitoze. Kryetari shpreh respekt të lartë dhe përgëzon për gjithë atë punë e përkushtim në përgatitjen e këtij aktiviteti komisionin qendror Ymerin, Blendin, Nezin, Afërditën, Vlorën, Albinen dhe përgjegjësit e angazhuar për rrjedhën e mbarë të udhëtimit dhe qëndrimit në Durrës.
Bashkë e në SBASHK në përballje me sfidat e kohës dhe në angazhimet e përkushtimin për arritje të reja në shërbim të anëtarësisë.

Atmosferë e këndshme pranë valëve të detit shqiptar

Anëtarët e SBASHK-ut respekt të lartë për sindikatën e tyre dhe mikpritjen
Prishtinë, 09.07.2020
detStafi i SBASHK-ut dhe kryetarët e nivelit komunal sindikal e të Universiteteve kishin bërë shumë angazhime me qëllim që të realizohet edhe në këtë verë tradita e mirë për dërgimin e një numri të konsideruar të kolegëve tanë për pushime meritore në bregdetin shqiptar. Situata e re kërkoi më shumë angazhime e kujdes dhe pas konsultimeve të vazhdueshme me koleget e kolegët tanë që ishin përzgjedhur nga shkollat e njësitë akademike për të shkuar në bregdetin shqiptar, u nis së realizuari ky aktivitet.
Për të qenë organizimi sa më i mirë dhe në koordinim me stafin përgjegjës të Kompleksit Hotelier e Turistik "Bonita" të 400 pushuesit janë ndarë në 2 grupe për të shkuar në bregdetin shqiptar.
Të hënën e 6 korrikut grupi i parë me koleget e kolegët tanë nga Vushtrria, Mitrovica, Leposaviqi, Zveçani, Skenderaj, Prizreni, Kaçaniku, Hani i Elezit, Ferizaj, Shtërpca, Shtime, Suhareka, Klina, Istogu, Peja, Deçani e Juniku kanë arritur në Kompleksin Hotelier e Turistik "Bonia". Përgjegjësit e caktuar nga SBASHK-u ishin të përkushtuar dhe rrugëtimi drejt Durrësit kishte kaluar mirë e në atmosferë të këngës e humorit të lehtë. Stafi në "Bonita" kishte bërë gjithë përgatitjet dhe masat e caktuara të kujdesit në institucionin gjegjës po respektoheshin në përpikëri.
dettPushuesit duke shprehur respekt meritor për SBASHK-un dhe mikpritjen e pronarit dhe stafit te "Bonita" janë ndjerë mirë e të relaksuar. Ata janë akomoduar dhe janë drejtuar pastaj drejt detit për të shoqëruar bisedat e këngën e lehtë me melodinë e valëve të detit shqiptar.
-Po ikin shpejt ditët, dëgjohen duke thënë shumë nga pushuesit.
-Po e vazhdojmë pushimin edhe një javë, i drejtohet një anëtar i SBASHK-ut kryetarit Jasharaj dhe shumë të tjerë e duartrokasin këtë ide. Kryetari i SBASHK-ut nuk fsheh gëzimin për këtë atmosferë dhe i përgëzon gjithë anëtarët e SBASHK-ut këtu që me sjellje dinjitoze po përfaqësojnë në mënyrë të denjë figurën e mësuesit nga Kosova.
- E kishim vazhduar edhe një javë more, po të dielën vjen grupi tjetër me 200 e më shumë kolege e kolegë, flet kryetari. Kujdestarët e caktuar nga stafi qendror janë vazhdimisht në lëvizje e në komunikim me pushuesit. Ata kishin uruar që në mbrëmje të kishte atmosferë feste përmes tingujve të valles e këngës shqipe. Stafi përgjegjës i "Bonita" ishte përkujdesur edhe për këtë dhe në çdo mbrëmje, duke respektuar distancën, pushuesit të relaksuar e të kënaqur nga uji i mrekulluar i detit shqiptar, bëheshin bashkë me këngën e bukur shqipe, që shoqërohej shpesh edhe me urimet për ditëlindjen e ndonjë pushuesi, i cili nuk fshihte gëzimin e krenarinë dhe ngrihej në këmbë duke përshëndetur nga larg pushuesit dhe këngëtarin dhe mjeshtrin e instrumenteve muzikore.
Pushuesit flasin me krenari për përkushtimin dhe arritjet e shumta të sindikatës së tyre, pra të SBASHK-ut dhe shpesh bëjnë foto me kryetarin e stafin e po ashtu edhe bashkëbisedojnë për çështje arsimore e sindikale. Ata tregojnë se janë shumë të kënaqur me kushtet në këtë Kompleks Hotelier e Turistik dhe mendimet e tyre do t'i shpalosin shumë nga ta edhe në fletoret e përshtypjeve dhe shumë nga to edhe do të publikohen në ueb faqen dhe në gazetën e SBASHK-ut "Arsimimi sot".
Në këtë shkrim ne po përcjellim të lexuesit e nderuar vetëm disa nga to.
"Është një aktivitet shumë i qëlluar i SBASHK-ut. Përgëzoj stafin qendror për gjithë angazhimet. Kemi qenë vazhdimisht në komunikim me ta gjithë ne pushuesit dhe çdo gjë kishte dhe ka rrjedhë të mbarë. Ne mësimdhënësit e Kosovës ishim të përkushtuar në mësimin nga largësia dhe ky pushim është dhuratë meritore dhe na mundëson që të relaksohemi. Stafi i Hotelit është në nivel të detyrës dhe të bën të ndjehesh mirë nga mikpritja dhe respekti. Faleminderit SBASHK", ka shkruar mësimdhënësja Sadete Spanca, që është njëra pushueset e përzgjedhura dhe vjen nga komuna e Vushtrrisë.
" E vlerësoj shumë lart këtë aktivitet të SBASHK-ut , që mundësoi organizimin kaq të mirë të pushimit meritor për një numër të konsideruar të anëtarësisë. Kemi kaluar edhe gjatë këtij viti nëpër shumë sfida. Ne po respektojmë këshillat e institucioneve gjegjëse dhe jemi të kujdesshëm. Kjo është lehtë të bëhet në këto ambiente dhe përkushtimit të kujdestares dhe të gjithë stafit te "Bonita". Falënderoj SBASHK-un për përkushtimin në shërbim të anëtarësisë", shprehet mësimdhënësja Adelina Gjinovci nga komuna e Skenderajt.
detttt"Atmosferë e mirë kjo. Këtë kënaqësi e atmosferë të mrekullueshme për punëtorët e arsimit e bën vetëm SBASHK-u", shprehet i gëzuar e me emocione", kolegu ynë Mustafë Kajtazi, i cili edhe ka gjiruar momente të vallëzimit në plazh.
Njëri nga 200 pushuesit e grupit të parë është edhe mësimdhënësi e poeti nga Peja, Agim Desku.
"SBASHK-un e fisnikëron përkushtimi dhe arritjet e shumta në shërbim të anëtarësisë. Ky është njëri nga aktivitet e shumta dhe është shumë i qëlluar. Kujdesi e mikpritja këtu janë shembullore. Valët e detit shqiptar dhe atmosfera festive të bëjnë të ndjehesh mirë e i relaksuar", thotë Desku dhe me siguri ai do të shpreh në vargje përshtypjet e tij për t'i botuar në njërën prej veprave letrare të radhës.
Ditët po ikin. Kujtimet do të mbesin. Stafi i SBASHK-ut ndjehet krenar pse është vazhdimisht në shërbim të anëtarësisë, e cila di të vlerësojë e çmos përkushtimin dhe arritjet e sindikatës së tyre.
SBASHK-u dhe pronarët e stafi i "Bonita" për të krijuar atmosferë të bukur kanë përgatitur edhe një befasi për pushuesit. Pritet që atmosferës festive t'i shtohen një numër i anëtarëve të Ansamblit Autokton "Rugova", Ata në shenjë respekti për punëtorët e arsimit dhe përkushtimin e vazhdueshëm vullnetarisht do të sjellin para pushuesve veshjet kombëtare fragmente të valles së bjeshkëve të Kelmendit.

Përfundim i suksesshëm i trajnimeve të filluara më 26 qershor

Pjesëmarrësit shprehin respekt të lartë e meritor për SBASHK-un
Prishtinë, 30.06.2020
kjoKrahas përkushtimit e angazhimit shembullor në realizimin e mësimit në distancë, një numër i madh i mësimdhënësve të Kosovës kishin shprehur kërkesa për mbajtjen e trajnimeve nga larg. Stafi qendror pa u kursyer e pa shikuar orarin, punoi pa ndalur dhe arriti me përpikëri të realizojë kërkesat e të gjithë mësimdhënësve nga e tërë Kosova për trajnime.
Ky aktivitet po shënonte përmbylljen më herët, por kishin ardhur kërkesa të shumta nga kolegët tanë dhe stafi i SBASHK-ut në koordinim me trajnerët dhe kryetarët e nivelit komunal sindikal dhe SBASHK-u vazhdoi me këtë aktivitet. U analizuan kërkesat emër për emër, u bënë gjithë përgatitjet nga stafi qendror dhe nisen angazhimin për së mbari 10 grupe mësimdhënësish në trajnimet "Mësimdhënia e gjuhës dhe letërsisë shqipe për ciklin fillor dhe të mesëm", "Udhëheqja dhe planifikimi strategjik në Arsimin Parauniversitar","Forcimi i kapaciteteve për udhëheqjen efektive të dialogut social" dhe "Edukimi medial dhe roli i tij në zhvillimin shoqëror dhe demokratik". Të gjitha këto grupe kanë nisur trajnimet më 26 qershor për të vazhduar në dy ditët e vikendit dhe të hënën, kur 9 grupe përfunduan me sukses trajnimet e filluara, kurse një grup në marrëveshje mes pjesëmarrësve dhe trajnerit ka përfunduar të martën trajnimin e nisur më 26 qershor.kjooo
Gjatë gjithë ditëve të trajnimit koordinatori për organizim të brendshëm, Ymer Ymeri, zyrtarja për trajnimet Albina Arifi dhe pjesa tjetër e stafit qendror janë kyçur vazhdimisht në trajnime duke qenë mbështetje e mirë për trajnerët dhe pjesëmarrësit dhe duke u përgjigjur edhe në pyetjet e tyre.
Pjesëmarrësit kanë shprehur respekt të lartë e meritor për SBASHK-un dhe për trajnerët, të cilët, siç thanë mësimdhënësit pjesëmarrës në trajnime ishin në nivel të detyrës dhe kanë ndikuar që trajnimet të kenë rrjedhë të marë dhe të përcillen me interesim të lartë nga pjesëmarrësit, të cilët janë të sigurt se kanë arritur të marrin njohuri të shumta, që do t'i përdorin në shërbim të ngritjes së vazhdueshme të cilësisë në arsim.
kjooooStafi qendror i SBASHK-ut shpreh respekt për trajnerët Mentor Mani, Besa Hoxha Krasniqi, që udhëhoqën me sukses dy grupe në trajnimin "Mësimdhënia e gjuhës dhe letërsisë shqipe për ciklin fillor dhe të mesëm". Respekt për trajnerët Hysen Sogojeva, Jehona Oruqi, Skënder Gashi e Besim Kryeziu, që punuan me katër grupe në trajnimin ,"Udhëheqja dhe planifikimi strategjik në Arsimin Parauniversitar". Janë angazhuar me përkushtim trajnerët Safet Beqiri e Blendor Shatri me dy grupe pjesëmarrësish në trajnimin ""Forcimi i kapaciteteve për udhëheqjen efektive të dialogut social". Stafi qendror i SBASHK-ut shpreh respekt meritor edhe për trajnerët Sami Shala e Alban Zeneli që u angazhuan, si gjithmonë, me përkushtim me dy grupe pjesëmarrësish në trajnimin "Edukimi medial dhe roli i tij në zhvillimin shoqëror dhe demokratik".
Koordinatorët për trajnimet Vjollca Shala dhe Ymer Ymeri bashkë me kryetarin Jasharaj dhe anëtarët e stafit qendror kanë bërë një analizë të rrjedhës s trajnimeve dhe kanë vlerësuar lartë angazhimin e trajnerëve , përkushtimin e pjesëmarrësve dhe shembullin e angazhimit maksimal të stafit qendror. Ata urojnë që trajnimet e radhës në prag të vitit të ri shkollor të organizohen e mbahen në ambientet e institucioneve arsimore kudo në Republikën e Kosovës.albaniiii

SBASHK përmbyll sukses një aktivitet të veçantë në shërbim të anëtarësisë

Më shumë se 2000 mësimdhënës pjesëmarrës në trajnimet nga larg
Prishtinë, 26.06.2020
73399770 400944360809943 2331404727699246479 nMe qëllim që ta përmbyllin me sukses rrugëtimin e nisur muaj më parë me aktivitetin e trajnimeve për kolegët tanë kudo në Kosovë dhe për t'iu përgjigjur të gjitha kërkesave të anëtarësisë, që kanë ardhur përmes kryetarëve të nivelit komunal, stafi qendror ka bërë gjithë përgatitjet dhe në të premten e 26 qershorit është nisur me 10 grupe në trajnimet "Mësimdhënia e gjuhës dhe letërsisë shqipe për ciklin fillor dhe të mesëm" të konceptuar në 32 orë, "Udhëheqja dhe planifikimi strategjik në Arsimin Parauniversitar", 28 orë "Forcimi i kapaciteteve për udhëheqjen efektive të dialogut social", që është i konceptuar në 32 orë, "Edukimi medial dhe roli i tij në zhvillimin shoqëror dhe demokratik", 32 orë. Këto grupe të trajnimit do të vazhdojnë aktivitetin edhe në ditët në vijim të udhëhequr nga trajnerët Mentor Mani, Besa Krasniqi, Skënder Gashi, Besim Kryeziu, Jehona Oruqi, Hysen Sogojeva, Safet Beqiri, Blendor Shatri, Sami Shala dhe Alban Zeneli.106457992 301877907641149 2405214996271001322 n
Të parët kanë nisur trajnimet kolegët tanë me dy grupe të trajnimit "Mësimdhënia e gjuhës dhe letërsisë shqipe për ciklin fillor dhe të mesëm", për të vazhduar edhe grupet tjera në distancë kohore nga 20 minuta me qëllim që kryetari i SBASHK-ut, Rrahman Jasharaj, nënkryetarja Vjollca Shala, koordinatori për organizim të brendshëm , Ymer Ymeri dhe kryetari i Kuvendit Sindikal për Arsimin e mesëm , Ahmet Pllana të kyçen në hapje të nisjes së trajnimeve dhe të bashkëbisedojnë me pjesëmarrësit.
Kryetari i SBASHK-ut ka përgëzuar pjesëmarrësit e këtij aktiviteti për angazhimin në realizimin e mësimit nga larg dhe për zellin e dëshirën e shprehur që të jenë pjesë e këtyre trajnimeve me qëllim që të shtojnë njohuritë dhe që ato t'i vënë në shërbim të ngritjes së vazhdueshme me nxënës. Kryetari Jasharaj , edhe gjatë gjithë këtij komunikimi ka falënderuar trajnerët për angazhimin maksimal dhe stafin qendror të SBASHK-ut e në veçanti koordinatorët e trajnimeve Vjollca Shalën dhe Ymer Ymerin.
106276643 633037397558016 5203453183171797762 nNënkryetarja Vjollca Shala në bashkëbisedë me pjesëmarrësit e të gjitha grupeve ka bërë një shpalosje të trajnimeve duke sjellë fakte e argumente se cilat njohuri ofrohen në secilin trajnim. Koordinatori për organizim të brendshëm, Ymer Ymeri ka dhënë sqarime për trajnimet dhe u është përgjigjur pyetjeve të pjesëmarrësve.
Kryetari i Kuvendit të Sindikatës së Arsimit Parauniversitar për Kryeqytetin, Ahmet Pllana duke përshëndetur pjesëmarrësit e të gjitha trajnimeve ka shprehur respekt të lartë për angazhimin e përkushtimin e stafit qendror të SBASHK-ut.
Pjesëmarrësit, trajnerët Mentor Mani, Besa Krasniqi, Skënder Gashi, Besim Kryeziu, Jehona Oruqi, Hysen Sogojeva, Safet Beqiri, Blendor Shatri, Sami Shala dhe Alban Zeneli dhe të gjithë bashkëbiseduesit janë bërë bashkë në urimin që trajnimet e radhës në prag të vitit të ri shkollor të organizohen në ambientet e institucioneve tona arsimore kudo në Kosovë.

SBASHK-u përmbyll edhe një aktivitet në shërbim të anëtarësisë

Përfundojnë me sukses trajnimet e nisura të premten e 19 qershorit
Prishtinë, 23.06.2020
104384520 191882585513356 1103103477885018683 nDitëve të vikendit, por edhe ditën e hënë e të martë kanë vazhduar trajnimet e nisura më 19 qershor. Pas 4 ditë pune e përkushtimi të trajnerëve, stafit qendror dhe angazhimit të pjesëmarrësve po përmbyllet me sukses edhe ky aktivitet i SBASHK-ut në shërbim të anëtarësisë. Janë më shumë se 450 mësimdhënës nga komuna të Kosovës që ishin të ndarë në 8 grupe për të marrë pjesë sipas vullnetit të tyre në njërin nga trajnimet e licencuara të SBASHK-ut. Të premten kishin nisur angazhimin kolegët tanë në tri grupe të ndara me trajnimin "Udhëheqja dhe planifikimi strategjik në Arsimin Parauniversitar", udhëhequr nga trajnerët prof. Dr. Hysen Sogojeva, Mr. Fidan Shaqiri dhe Dr. Safet Beqiri. Gjatë gjithë ditëve të këtyre trajnimeve në to janë kyçur shpesh edhe kryetari i SBASHK-ut, Rrahman Jasharaj, nënkryetarja Vjollca Shala, koordinatori për organizim të brendshëm , Ymer Ymeri, zyrtarja për trajnime Albina Arifi dhe anëtarë të tjerë të stafit qendror me qëllim që të bashkëbisedojnë me pjesëmarrësit dhe të përgjigjen në pyetjet e tyre që kishin të bënin me Ligjin e pagave, nene nga Kontrata Kolektive dhe për angazhimet e aktivitetet sindikale . Trajnerët Sogojeva, Shaqiri e Beqiri janë shprehur të kënaqur me përkushtimin, vijueshmërinë dhe arritjet e treguara të pjesëmarrësve. Këta trajnerë kanë përgëzuar stafin qendror të SBASHK-ut për përkushtimin dhe angazhimin në realizimin e kërkesave të anëtarësisë.104603145 677871299462759 872133476187928372 n
Atmosferë pune e angazhimi për të marrë njohuri të reja është vërejtur për katër ditë me radhë edhe nga pjesëmarrësit e shumtë në trajnimin "Mësimdhënia e gjuhës dhe letërsisë shqipe për ciklin fillor dhe të mesëm",të cilët kanë punuar në dy grupe të ndara e të udhëhequra nga trajneret Arbëresha Aliu e Pranvera Haziri.
Pjesëmarrje e madhe dhe dinamikë e punës është parë për katër ditë edhe në trajnimin "Forcimi i kapaciteteve për udhëheqjen efektive të dialogut social", udhëhequr nga trajneri Blendor Shatri, i cili dijen dhe përvojën në temat kyçe të këtij trajnimi ka ditur t'i bart te pjesëmarrësit duke i nxituar ata që të jenë pjesë aktive e trajnimit për katër ditë me radhë.
Edhe trajnimi tjetër i licencuar i SBASHK-ut "Edukimi medial dhe roli i tij në zhvillimin shoqëror dhe demokratik" ka zgjuar interesim të madh e të vazhdueshëm te një numër i konsideruar i anëtarëve të SBASHK-ut nga shumë komuna të Kosovës. Me këtë trajnim të premten kishin nisur dy grupe mësimdhënësish me trajnerët Blerta Blakaj e Sami Shala. Ata gjatë gjithë kohës kanë bartur dijet dhe përvojën e tyre te pjesëmarrësit dhe kanë arritur të zgjojnë kërshërinë e tyre për mediet dhe trajnimet kanë pasur rrjedhë të mbarë dhe një angazhim e përfshirje të madhe të pjesëmarrësve në diskutimin për temat kyçe të këtij trajnimi.
Kryetari i SBASHK-ut bashkë me anëtarë të tjerë të stafit qendror janë kyçur edhe në këto trajnime. Kryetari Jasharaj ka bashkëbiseduar me pjesëmarrësit dhe trajnerët duke i përgëzuar për angazhimin e përkushtimin duke shprehur respekt edhe për punën e palodhshme të stafit qendror në gjitha aktivitetet sindikale, kurse nënkryetarja Vjollca Shala e koordinatori për organizim të brendshëm u janë përgjigjur pyetjeve të pjesëmarrësve lidhur me çështje sindikale dhe të situatës aktuale në arsimin e Kosovës.
104931587 895847174248386 8710394253361856101 nSBASHK-u shpreh respekt për angazhimin dhe përkushtimin e trajnerëve prof. dr. Hysen Sogojeva, Fidan Shaqiri, dr. Safet Beqiri, Arbëresha Aliu, Pranvera Haziri, Blendor Shatri, Blerta Blakaj dhe Sami Shala, por edhe për trajnerët tjerë që janë angazhuar në trajnime në të kaluarën dhe që do të angazhohen në të ardhmen. Ky aktivitet mbase do të shënojë një përmbyllje për këtë vit shkollor, për të rinisur prapë në të ardhmen e afërt bazuar në kërkesat e anëtarëve të SBASHK-ut nga e tërë Kosova.

SBASHK-u përmbyll edhe këtë javë me angazhime të shumta në shërbim të anëtarësisë

Qindra mësimdhënës marrin pjesë në katër trajnimet e licencuara

Prishtinë, 19.06.2020
104409472 561172201221627 7150088595485750339 nStafi qendror i SBASHK-ut po vazhdon me angazhimet maksimale për të realizuar kërkesat e anëtarësisë. Një nga aktivitetet që po kërkon angazhime shtesë është organizimi nga larg dhe mirëvajtja e trajnimeve të licencuara të SBASHK-ut. Kanë përfunduar me sukses trajnime me grupe të shumta mësimdhënësish në vikendet e javëve të kaluara e me të njëjtin intensitet e përkushtim po vazhdohet edhe tani e tutje.
Kjo atmosferë pune e përkushtimi e stafit qendror po vërehet edhe këtë të premten e 19 qershorit. Pasi janë bërë përgatitjet e duhura u nis me 8 grupe të reja trajnimesh në të cilat marrin pjesë mësimdhënës nga shumë komuna të Kosovës.104931587 895847174248386 8710394253361856101 n
Të parët kanë nisur sot koleget e kolegët tanë me trajnimin "Udhëheqja dhe planifikimi strategjik në Arsimin Parauniversitar", udhëhequr nga trajneri prof. dr. Hysen Sogojeva. Në nismën e këtij trajnimi kryetari i SBASHK-ut Rrahman Jasharaj ka përshëndetur pjesëmarrësit duke i përgëzuar për punën e angazhimin në rrjedhën e mbarë të mësimit nga larg dhe për entuziazmin për të qenë pjesë e trajnimeve të SBASHK-ut. Ai ka falënderuar edhe trajnerët për angazhimin e tyre dhe për gjithë arritjet në këto trajnime. Po ashtu edhe kryetari i Kuvendit të Sindikatës së Arsimit Parauniversitar për komunën e Malishevës, Skënder Gashi ka përshëndetur pjesëmarrësit e këtyre trajnimeve duke shprehur respektin e mësimdhënësve të Malishevës për angazhimet e përkushtimin e stafit qendror në realizimin kërkesave të anëtarësisë. Edhe kryetari i Kuvendit të Sindikatës së Arsimit Parauniversitar për Lipjanin, Emrush Ahmeti është kyçur fillimet e punës së disa grupeve të trajnimit dhe ka përgëzuar stafin qendror për angazhimin dhe përkushtimin në shërbim të anëtarësisë.
104812445 260383661920335 1406134355748669048 nNjë atmosferë e tillë pune e entuziazmi ishte edhe në dy grupet tjera të trajnimit "Udhëheqja dhe planifikimi strategjik në Arsimin Parauniversitar",udhëhequr nga trajnerët Fidan Shaqiri e Safet Beqiri. Edhe në fillimet e këtyre dy trajnimeve janë kyçur kryetari i SBASHK-ut Rrahman Jasharaj , nënkryetarja Vjollca Shala, koordinatori për organizim të brendshëm, Ymer Ymeri dhe i tërë stafi qendror bashkë me kryetarët e nivelit komunal sindikal Skënder Gashi e Emrush Ahmeti.
Këtë të premte kanë nisur angazhimin shumë kolegë tanë edhe në trajnimin
"Mësimdhënia e gjuhës dhe letërsisë shqipe për ciklin fillor dhe të mesëm", të ndarë në dy grupe që udhëhiqen nga trajneret Arbëresha Aliu e Pranvera Haziri.
Interesim nga mësimdhënësit po tregohet edhe për trajnimin "Forcimi i kapaciteteve për udhëheqjen efektive të dialogut social". Këtë të premte ky trajnim udhëhiqet nga trajneri Blendor Shatri.
Nga trajnimet që kanë zgjuar interesim të lartë te mësimdhënësit kudo në Kosovë është edhe "Edukimi medial dhe roli i tij në zhvillimin shoqëror dhe demokratik". Këtë të premte në këtë trajnim janë përfshirë kolegët tanë të ndarë në dy grupe e që udhëhiqen nga trajnerët Sami Shala dhe Blerta Blakaj.104538641 593349338244169 6123007833658058946 n
Edhe në këto trajnime janë kyçur kryetari i SBASHK-ut Rrahman Jasharaj, nënkryetarja Vjollca Shala, koordinatori për organizim të brendshëm Ymer Ymeri dhe anëtarët e stafit qendror. Ata kanë bashkëbiseduar me pjesëmarrësit dhe kanë përgëzuar ata për punën e përkushtimin në rrjedhën e mbarë të mësimit nga larg dhe për angazhimin në këtë aktivitet sindikal . Po ashtu është zhvilluar edhe bashkëbisedë me pjesëmarrësit dhe kryetari dhe stafi qendror u janë përgjigjur pyetjeve të pjesëmarrësve në këto trajnime.

Fillojnë edhe 10 grupe të reja me trajnimet e licencuara të SBASHK-ut

Respekt për angazhimin maksimal të stafit qendror dhe trajnerëve
Prishtinë, 12.06.2020
104400354 259844591936231 4134003545507845582 nMeqenëse mësimdhënësit e Kosovës janë shumë të angazhuar gjatë gjithë ditëve të punës në përpjekjet për të përmbyllur sa me më sukses këtë vit shkollor, SBASHK-u kërkesën e tyre për trajnime po e realizon në ditë të vikendeve dhe të festave.
Kjo ndodhi edhe në këtë 12 qershor, në festën e çlirimit të Kosovës. Një numër i konsideruar kolegësh tanë nga shumë komuna të Kosovës janë pajtuar që kjo ditë feste të kthehet në aktivitet sindikal duke u bërë pjesë e njërit prej 10 grupeve të trajnimeve, që kanë nisur sot e do të vazhdojnë edhe në ditët e vikendit dhe në një ditë tjetër të javës së ardhshme. Është një grup mësimdhënësish në trajnimin"Forcimi i kapaciteteve për udhëheqjen efektive të dialogut social" me trajnerin Dr. Safet Beqiri, tri grupe të kombinuara me mësimdhënës nga komuna të ndryshme në trajnimin "Udhëheqja dhe planifikimi strategjik në Arsimin Parauniversitar" me trajnerët prof. dr. Hysen Sogojeva, Mr. Fidan Shaqiri dhe Mr. Ramadan Gashi. Një interesim i veçantë i mësimdhënësve po shprehet për trajnimin "Edukimi medial dhe roli i tij në zhvillimin shoqëror dhe demokratik" dhe prandaj sot kanë nisur këtë trajnim 4 grupe me trajnerët Alban Zeneli, Blerta Blakaj, Sami Shala , ligjërues në Departamentin e Gazetarisë në Universitetin e Prishtinës dhe trajnerin Hysen Hyseni. Kanë nisur me këtë aktivitet edhe dy grupe në trajnimin "Mësimdhënia e gjuhës dhe letërsisë shqipe për ciklin fillor dhe të mesëm", me trajnerët prof. dr. Atdhe Hykolli dhe prof. Mentor Mani. Ky aktivitet nisi me grupin e parë në orën 12 për të vazhduar pastaj grupet tjera me radhë sipas orarit të paraparë deri në orët e mbrëmjes.104077006 251249235977145 4488398594672336234 n
Kryetari i Kuvendit të Sindikatës së Arsimit Parauniversitar të kryeqytetit Ahmet Pllana, ka falënderuar kryetarin Jasharaj dhe stafin qendror të SBASHK-ut për punën, përkushtimin dhe arritjet . Ai ka përmendur në kohën kur mësimi po zhvillohet nga larg vetëm për komunën e Prishtinës SBASHK-u ka organizuar trajnime për 21 grupe të mësimdhënësve.
Kryetari i SBASHK-ut Rrahman Jasharaj është kyçur bashkë me nënkryetaren Vjollca Shala, koordinatorin për organizim të brendshëm, Ymer Ymeri dhe anëtarë të stafit në fillimet e këtyre trajnimeve që kanë filluar në distancë të caktuar kohore njëri pas tjetrit . Kryetari Jasharaj ka shprehur respekt për trajnerët, që me punë e përkushtim kanë bërë që të shtohet dukshëm interesimi i kolegëve tanë për trajnime. Ai ka përgëzuar gjithë kolegët tanë në Kosovë për angazhimin në realizimin e mësimit në distancë dhe për gjithë përkushtimin me qëllim që ky vit shkollor edhe për kundër shumë vështirësive që krijoi pandemia, të përfundojë me sukses sa më të lartë.
104207988 292234051916713 7682889268823078419 nKoordinatori për organizim të brendshëm, Ymer Ymeri dhe nënkryetarja Vjollca Shala u kanë dhënë sqarime pjesëmarrësve rreth rrjedhës së trajnimit dhe janë përgjigjur në pyetjet e pjesëmarrësve. Këto dhjetë grupe do të vazhdojnë edhe në ditët e vikendit bashkë me 4 grupe të trajnimit që kanë nisur në vikendin e kaluar, gjegjësisht më 6 e 7 qershor dhe atë " Edukimi medial dhe roli i tij në zhvillimin shoqëror e demokratik", që udhëhiqet nga trajnerja Arbenitë Hoxha, pastaj "Udhëheqja dhe planifikimi strategjik në Arsimin Parauniversitar", udhëhequr nga trajnerja Jehona Oruqi, trajnimi" Mësimdhënia e gjuhës shqipe e letërsisë për ciklin fillor dhe të mesëm", udhëhequr nga trajnerja Besa Hoxha Krasniqi dhe në trajnimin "Forcimi i kapaciteteve për udhëheqje efektive të dialogut social", udhëhequr nga trajneri Blendor Shatri. Vlen të theksohet se të dhjetë grupet e trajnimit që kanë filluar sot, përveç në dy ditët e vikendit, do të vazhdojnë trajnimin edhe në një ditë të javës së ardhme në marrëveshje me trajnerët për t'i përmbyllur me sukses këto trajnime .
Gjatë bashkëbisedës me pjesëmarrësit e këtyre trajnimeve ata kanë lavdëruar angazhimin dhe përkushtimin dhe arritjet e shumta të stafit qendror në shërbim të anëtarësisë.103895681 654723231783150 803723395975884857 n

Edhe një takim nga larg i EI me sindikatat anëtare

Në mbështetje të institucioneve për shkollat e sigurta për të gjithë
Prishtinë,10.06.2020
103959857 259020775519183 6417772140811713043 nPasi që në shumë shtete të botës pas një kohe të gjatë është filluar me masa lehtësuese Internacionalja Botërore e Arsimit (EI) ka mbajtur takimin e radhës nga larg me përfaqësues të sindikatave anëtare nga e tërë bota.
Këtë takim nga largësia (Webinar-in) e hapi Presidentja e EI-së znj.Susan Hopgood e cila fillimisht përshëndeti të pranishmit në takim.kjhgfkjsnbfPandemia e COVID-19 vazhdon të ndikojë në sistemet arsimore, arsimtarët, fëmijët dhe studentët në të gjithë botën. Sipas UNESCO, pandemia ndikon aktualisht gati në 70% të popullsisë studentore në botë. Në kulmin e saj, disa javë më parë, pandemia kishte prekur më shumë se 90% të popullsisë globale të studentëve (më shumë se 1.5 miliardë studentë) dhe 63 milion mësues. Megjithë kërcënimin e vazhdueshëm të pandemisë, shumë vende dhe juridiksione kanë filluar të heqin masat e kontrollit dhe të rihapin shkollat dhe institucionet e tjera arsimore. Vendimi për rihapjen e institucioneve arsimore vendos një përgjegjësi të madhe mbi supet e shkollës dhe drejtuesve të tjerë të arsimit, të cilët pritet të sigurojnë, jo vetëm cilësinë e mësimdhënies dhe mësimit, por edhe shëndetin dhe sigurinë e nxënësve, mësuesve dhe personelit mbështetës të arsimit" ka vlerësuar kryetarja e EI-së për të kujtuar edhe një herë gjashtë konditat e Organizatës Botërore të Shëndetësisë e që janë:
1. Angazhimi në Dialog Social dhe Politik
2. Sigurimi i Shëndetit dhe Sigurisë së Komuniteteve të Arsimit
3. Barazia të jetë përparësia kryesore
4. Mbështetja e Mirëqenies fizike dhe emocionale dhe rikuperimi
5. Besimi në profesionalizmin e arsimtarëve
Si gjithmonë, edhe në këtë takim të rëndësishëm nga larg morën pjesë edhe përfaqësues të SBASHK-ut.
të cilët në këtë webinar ndanë me të pranishmit këto informacione:
SBASHK-u gjatë gjithë kohës së pandemisë Covid-19 ka përcjellë dhe mbështetur drejtoritë komunale të arsimit dhe udhëheqësit e shkollave të Kosovës që nxënësit dhe stafi mësimor të jenë të sigurt dhe të jenë mirë me shëndet.
Në Kosove janë rihapur shkollat e mesme të ulëta për nxënësit e klasave të 9-ta për ti përgatitur ata për testin e arritshmërisë. Paraprakisht janë marrë masat për parandalimin e virusit Covid-19, shkollat janë dezinfektuar dhe janë pajisur me dezinfektues, maska dhe doreza për nxënës dhe stafin mësimor. Nxënësit janë ndarë në grupe më të vogla nga 12 nxënës në një klasë.
Çerdhet janë rihapur javën e kaluar, të cilat paraprakisht janë dezinfektuar dhe fëmijët janë ndarë në grupe më të vogla.
Përfaqësuesit e EI-së kanë falënderuar SBASHK-un për shkëmbimin e eksperiencës me kolegët nga vende të tjera të botës.

103120241 324680705191169 1270306116267592844 n

Përfaqësues të SBASHK-ut u takuan me Ministrin Likaj

Gatishmëri për t'i dhënë hapësirë e forcë dialogut
Prishtinë, 09.06.2020
DSC 3366Kryetari i SBASHK-ut Rrahman Jasharaj bashkë me koordinatorin për organizim të brendshëm, Ymer Ymeri janë pritur sot në një takim njohës nga Ministri i MASHTI-t Ramë Likaj dhe anëtarë të kabinetit të tij.
Përfaqësuesit e SBASHK-ut e kanë përgëzuar Ministrin Likaj për detyrën duke shprehur gatishmërinë për angazhime të përbashkëta në shërbim të arsimit dhe në zgjidhjen e kërkesave legjitime të të punësuarve në këtë sektor me rëndësi. Kryetari Jasharaj ka informuar Ministrin Likaj për përkushtimin e SBASHK-ut në komunikim me anëtarësinë në shërbim të rrjedhës së mbarë të mësimit nga larg. Ai ka njoftuar Ministrin edhe për trajnimet që SBASHK-u vazhdon t'i organizojë nga larg duke realizuar kështu kërkesat e qindra punëtorëve të arsimit. Delegacioni i SBASHK-ut ka ngritur edhe çështjen e gjetjes së një zgjidhje të pranueshme ligjore për kolegët tanë të sëmurë rëndë, e që vazhdojnë të jenë pjesë e sistemit arsimor. Po ashtu janë përmendur edhe çështje të tjera të rëndësisë së veçantë, të cilat do të analizohen e do të merren veprime konkrete për realizmin e tyre në takimet e radhës mes të MASHTI-t dhe SBASHK-ut, që do të ndodhin në vazhdimësi.
Ministri Ramë Likaj ka vlerësuar angazhimin dhe përkushtimin e SBASHK-ut në shërbim të anëtarësisë dhe të arsimit në përgjithësi duke shtuar se MASHTI e konsideron SBASHK-un partner të rëndësishëm dhe se bashkërisht e me dialog do të angazhohen për realizimin e kërkesave të drejta e legjitime të anëtarësisë, por edhe në ngritjen e vazhdueshme të cilësisë në arsim. Ministri Likaj është shprehur se përfaqësuesit e SBASHK-ut do të jenë të përfshirë në të gjitha komisionet dhe grupet e punës për të dhënë kontributin e tyre në përgatitjen e akteve e dokumenteve tjera në shërbim të realizimit të objektivave në shërbim të një arsimi sa më cilësor.

Ma artikuj...

  1. Duke e realizuar moton e të mësuarit gjatë gjithë jetës
  2. Vazhdoi të realizohet edhe të premten agjenda e takimeve nga larg
  3. Edhe të enjten ka vazhduar agjenda e takimeve nga larg
  4. U mbajtën takime nga larg me Kuvendet sindikale të katër komunave
  5. Takim i Kuvendit të Sindikatës së Arsimit Parauniversitar të Kastriotit (Obliqit)
  6. Në kuadër të realizimit të agjendës së re të takimeve nga larg
  7. SBASHK-u e përmbyll majin me një varg aktivitetesh në shërbim të anëtarësisë
  8. Agjenda e re e takimeve nga larg me nivelin sindikal komunal dhe Universiteteve
  9. Forcohet bashkëpunimi i federatave tjera sindikale me SBASHK-un
  10. U mbajt takim konsultativ me kryetarët e nivelit komunal dhe të Universiteteve
  11. Punë e përkushtim i SBASHK-ut edhe në ditët e festës
  12. Edhe vikendet SBASHK-u i ka kthyer në punë e angazhim
  13. Angazhim e përkushtim i SBASHK-ut edhe në komunën e Dragashit
  14. Edhe një takim nga larg me kryetarët e nivelit komunal dhe të Universiteteve
  15. Filloi me sukses trajnimi nga larg me kolegët tanë nga komuna e Dragashit
  16. Trajnimet e nisura dje kanë pasur rrjedhë të mbarë edhe të dielën
  17. Edhe në këtë vikend aktivitete të shumta të SBASHK-ut për anëtarësinë
  18. Edhe një takim nga larg me trajnerët e trajnimeve të licencuara të SBASHK-ut
  19. Përfunduan trajnimet me kolegët tanë nga Prishtina e Novobërda
  20. Takim konsultativ nga larg me kryetarët e nivelit komunal dhe Universiteteve
  21. Internacionalja e Arsimit (EI) mbajti takimin e radhës nga larg me sindikatat anëtare
  22. SBASHK-u vazhdon të realizojë kërkesat e anëtarësisë
  23. Takim nga larg me trajnerët e pesë trajnimeve të licencuara të SBASHK-ut
  24. Një kërkesë e SBASHK-ut lidhur me Ministrinë e Punës e Mirëqenies Sociale
  25. Përfundoi trajnimi për gjuhën shqipe dhe letërsinë me kolegët nga Novobërda
  26. SBASHK-u me një kërkesë konkrete për Kryeministrin Kurti
  27. Takim nga larg me Kryesinë e Sindikatës së Universiteteve (SUSHK)
  28. Edhe një aktivitet i SBASHK-ut me kolegët nga komuna e Novobërdës
  29. Takim me kryetarët e Kuvendeve komunale sindikale dhe të Universiteteve
  30. Konferencë nga larg e shumë sindikatave nga e tërë bota
  31. Po vazhdon me sukses trajnimi nga larg me kolegët tanë nga Novobërda
  32. Nuk kanë të ndalur angazhimet e SBASHK-ut në shërbim të anëtarësisë
  33. Takim nga larg i Kuvendit të Sindikatës së Arsimit Parauniversitar të Mitrovicës
  34. Takim nga larg me kryetarët e nivelit Komunal sindikal dhe të Universiteteve
  35. Takim nga larg me kolegët nga SHFMU “Emin Duraku” të Kaçanikut
  36. Të ndihmohet përfshirja e të gjithë nxënësve në mësimin nga larg
  37. Takim nga larg i Kuvendit të Sindikatës së Arsimit Parauniversitar të Prizrenit
  38. Takim nga larg i Këshillit Drejtues të SBASHK-ut
  39. Takim nga larg i Kuvendit të Sindikatës së Arsimit Parauniversitar të Obliqit
  40. Qasjet e reja me psikologë
  41. Takim nga larg me kolegët nga Shtërpca dhe Novobërda
  42. Takim nga larg i Kuvendit të Sindikatës së Arsimit Parauniversitar të Podujevës
  43. Kuvendi i Sindikatës së Arsimit Parauniversitar i Kamenicës mbajti takim nga larg
  44. Takim nga larg me Kuvendin sindikal të Arsimit Parauniversitar të Dragashit
  45. Lajm i keq për individët që nuk na duan, SBASHK-u ishte dhe është këtu
  46. Mbajti takim nga larg Kuvendi i Sindikatës së Arsimit Parauniversitar të Deçanit
  47. Takim nga larg me Kuvendin e Sindikatës së Arsimit Para universitar të Fushë Kosovës
  48. U mbajt takim nga larg edhe me kolegët nga Skenderaj
  49. Takim nga larg i Kuvendit të Sindikatës së Arsimit Parauniversitar të Gjakovës
  50. Internacionalja e Arsimit mbajti takim nga larg

Butoni posht

Marrëveshjet

Formulari për kartela sindikale

Gazeta Vjetore 2019

sbashk cover2019s

Facebook

Na ndiqni nëfacebook apo në grupfacebook