Sindikata e Bashkuar e Arsimit Shkencës dhe Kulturës

Respekt meritor për misionin e shenjtë të punëtorëve arsimor
Prishtinë,07.03.2023
SBASHK-u çdo vit organizon aktivitete të shumta për të shënuar ditën e madhe të mësuesit dhe shkollës shqipe. Me takime në atmosferë feste e kështu kujtojmë me krenari pishtarët e parë të dijes dhe gjithë pasardhësit e tyre që nëpër kohë furtunash mbrojtën dritën kundër errësirës që mundoheshin ta sjellin e rrënjosnin mbi atdheun tonë pushtuesit. Koordinatori për organizim të brendshëm Ymer Ymeri bashkë me stafin qendror e në bashkëpunim me kryetarët e nivelit komunal sindikal dhe të Universiteteve kishin përgatitur me kohë listat e kolegeve e kolegëve që janë pensionuar nga prilli i vitit 2022 e deri në marsin e këtij viti dhe pastaj kanë përgatitur më shumë se 600 mirënjohje në shenjë respekti për punën dhe përkushtimin e tyre nëpër vite e dekada për edukimin dhe arsimimin e brezave. Këto mirënjohje u janë ndarë këtyre pishtarëve të dijes në aktivitetet e organizuara festive kudo në Kosovë për ditën e madhe të mësuesit dhe shkollës shqipe.
Këto aktivitete festive po ua përcjellim përmes këtyre fotove.