Në përpjekje për të vënë në funksion kartelat identifikuese të anëtarësisë së SBASHK-ut, vazhdojnë takimet me pronarë firmash, institucionesh shëndetësore dhe të bizneseve. Fryt i këtij angazhimi janë arritja e disa marrëveshjeve për lirim çmimesh të shërbimeve të caktuara për sindikalistët e arsimit të Kosovës. Këto përpjekje janë duke dhënë fryt sepse vetëm në tri ditët e fundit marrëveshjeve të mëparshme i janë shtuar edhe tri sosh. Janë arritur marrëveshje me Ordinancën Stomatologjike “MO-DENT” të Dr. Sokrat B. Morina në Prishtinë, i cili duke parë punën dhe angazhimet e SBASHK-ut në shërbim të anëtarësisë ka deklaruar që shërbimet në Ordinancën e tij të jenë për 20 % më të lira për mësimdhënësit sindikalistë të SBASHK nga komuna e Prishtinës.
Marrëveshje tjera janë arritur me Poliklinikën “EKSTRADENT” të Dr. Ekrem Selmani dhe Milot Selmani në Ferizaj dhe me Ordinancën Stomatologjike “DONA- DENT” te Dr. Naser Bytyçi në Lipjan.
Dhe për sindikalistët e SBASHK-ut shërbimet në këto dy institucione shëndetësore do të jenë për 15 % më të lira. Kjo vlen vetëm për anëtarët e SBASHK-ut, të cilët me të shkuar atje duhet të kenë me vete kartelën identifikuese të SBASHK-ut dhe lejen e njoftimit.