Sindikata e Bashkuar e Arsimit Shkencës dhe Kulturës

Në laboratorin "Mrika" në Vushtrri analizat me zbritje 15 %

Prishtinë, 09.12.2021
Duke shprehur respekt meritor për angazhimet e SBASHK-ut dhe për punëtorët e arsimit që janë anëtarë të sindikatës sonë Laboratori "Mrika" në Vushtrri në një ceremoni solemne ka nënshkruar marrëveshje bashkëpunimi me kryetarin e Kuvendit të Sindikatës së Arsimit Parauniversitar të Vushtrrisë, Alush Maloku e përmes tij kjo marrëveshje është nënshkruar edhe nga kryetari i SBASHK-ut.
Kryetari i Kuvendit të Sindikatës së Arsimit Parauniversitar për komunën e Vushtrrisë , Alush Maloku i është falënderuar stafin udhëheqës dhe atë mjekësor të këtij institucioni shëndetësor duke e konsideruar këtë marrëveshje në shërbim të anëtarësisë si shprehje e respektit të këtyre mantel-bardhëve për punën dhe përkushtimin e punëtorëve të arsimit.
Kjo marrëveshje saktëson se të gjitha shërbimet laboratorike të biokimisë klinike – hematologjike që do të kryejnë anëtarët e SBASHK-ut në këtë institucion mjekësor, do jenë me zbritje prej 15 %, ndërsa për anëtarët e familjes së ngushtë të tyre zbritje prej 10%.
Këtë marrëveshje e ka nënshkruar edhe kryetari i SBASHK-ut Rrahman Jasharaj duke shprehur respekt meritor për këtë veprim të Laboratorit "Mrika" , që duke bërë këtë marrëveshje për zbritje çmimesh të shërbimeve laboratorike tregon respektin për pishtarët e dijes.