Sindikata e Bashkuar e Arsimit Shkencës dhe Kulturës

Në takimin e kësaj të hëne me zv/Ministren e MPMS-së, znj. Rita Hajzeri-Beqaj, kryetari i SBASHK-ut Rrahman Jasharaj ka përcjellë prapë shqetësimin lidhur me çështjen e pensioneve dhe mos vënies në jetë të nenit 8, pika 6 të Ligjit për Skemat Pensionale të Paguara nga Shteti ,Nr. 04/L-131 dhe ka apeluar të kjo Ministri që të shtohen angazhimet për të gjetur zgjidhjen në mënyrë që punëtorët e arsimit të gëzojnë pensionin e merituar. Zv/Minstrja Hajzeri-Beqaj është shprehur se kupton shqetësimin e SBASHK-ut dhe ka shtuar se është duke u punuar që në Ligj të bëhet kategorizimi i pensioneve dhe të krijohen parakushtet dhe të sigurohen mundësitë buxhetore që mësimdhënësit dhe të tjerët të gëzojnë pensionet e merituara të punës sipas kategorizimit që të mundësonte Ligji. Nga biseda në këtë takim vërehet se duhet pritur ende deri të pensionet e punës. Në takimin e radhës së Këshillit Drejtues të SBASHK-ut do të analizohet gjithë kjo çështje dhe do të merret vendim se çka tutje.

Do kujtuar se edhe pse Ligji për Skemat Pensionale të Paguara nga Shteti ,Nr. 04/L-131, e thotë qartë në nenin 8, pika 6, "Me këtë Ligj u njihet stazhi i punës për pension kontribut-dhënës për vitet 1989-1999 punëtorëve të arsimit, të shëndetësisë dhe të tjerëve që kanë punuar në sistemin e Republikës së Kosovës", një pjesë e madhe e të punësuarve në arsim po dalin në pension duke marrë shumën prej 75 euro e jo atë prej 140 euro sa është pensioni aktual në Kosovë.

SBASHK-u ka pranuar shumë ankesa dhe kudo gjatë vizitave nëpër komuna ka dëgjuar shumë shqetësime lidhur me këtë çështje. Thuhet kudo se pikërisht këto vite që neni 8, pika 6, po i njeh si kontribut-dhënëse në të vërtetë nuk janë duke u pranuar si të tilla dhe mu për këtë të punësuarit në arsimin e Kosovës pas gjithë atyre viteve të punës po marrin ndihmë sociale sikur ata që kurrë nuk kanë qenë të punësuar diku. SBASHK-u në përpjekje për t'u dalë në ndihmë anëtarëve të vetë lidhur me këtë çështje atë e ka ngritur edhe te Këshilltari i Presidentes,z. Ramush Tahiri, edhe në Komisionin Parlamentar për Punë dhe Mirëqenie Sociale , por edhe në MPMS. Në të gjitha këto takime SBASHK-u ka marrë përgjigje se institucioneve u vije keq pse është kështu dhe se që të gjithë kanë shprehur respekt për punën e punëtorëve të arsimit në vitet 1989-1999. Mirëpo nuk është shkuar me tutje.

Në kuadër të realizimit të projektit të përbashkët KEC- SBASHK "Fuqizimi i rolit të SBASHK-ut në hartimin e politikave arsimore", që mbështetet në Komisioni Evropian, zyra e BE-së në Kosovë, ka filluar me punimet seminari " Hartimi i politikave arsimore dhe avokimi në Kosovë". Për këtë seminar KEC ka përzgjedhur veprimtarë sindikalë nga shkollat e Pejës e Gjakovës.
Në fillimet e punimeve të seminarit juristi Blendor Shatri ka folur për përmbajtjen e seminarit e pastaj kryetari i SBASHK-ut, Rrahman Jasharaj, ka folur për arritjet në SBASHK dhe për sfidat duke konsideruar se trajnime të tilla forcojnë sindikatën tonë duke ngritur kuadro që do të kontribuojnë në avokim dhe në hartimin e politikave arsimore. Ai pastaj ka prezantuar trajnerin e këtij seminari, z. Haki Shyti.
Trajneri Shyti me përkushtim ka nisur me shtjellimin e temave duke i dhënë mundësi bashkëbisedës me pjesëmarrësit, të cilët po dëshmojnë përkushtim dhe dëshirë të marrë njohuri të reja. Nga çështjet për të cilat është zhvilluar një bashkëbisedë përmbajtjesore veçohen "Politikat publike", "Cikli i hartimit të politikave në Kosovë ". Pjesëmarrësit duke punuar në grupe kanë dhënë shembuj të shumtë dhe kanë shtruar edhe pyetje në të cilat janë përgjigjur trajneri Shyti, kryetari Jasharaj, juristi Shatri, por edhe vetë pjesëmarrësit.
Në vazhdim të këtij seminari do të trajtohen edhe tema të tjera me rëndësi dhe pjesëmarrësit nga Peja e Gjakova do të përgatiten që tema të tilla të debatojnë me kolegët e tyre nëpër shkollat e komunave nga vijnë ata.

Duke vazhduar me realizimin e agjendës së takimeve me kryetarët e shoqatave të shkollave të Kosovës, në orët e pasdites së të enjtes kryetari i SBASHK-ut, Rrahman Jasharaj, bashkë me koordinatoren e projektit "Fuqizimi i rolit të SBASHK-ut në hartimin e politikave arsimore, znj. Albina Arifi, me juristin Blendor Shatri dhe m,e përfaqësuesin e KEC-it, z. Sokol Statovci, kanë bashkëbiseduar me kryetarët e shoqatave sindikale të shkollave të Podujevës. Duke hapur këtë takim, ushtruesi i detyrës së kryetarit të SAF e SAM të Podujevës, z. Fadil Halimi, ka përshëndetur mysafirët dhe pastaj ka treguar për angazhimet dhe sfidat e sindikatës së arsimit në këtë Komunë. Ai ka deklaruar se po hetohet trend pozitiv dhe se mësimdhënësit kanë shtuar edhe më shumë besimin në SBASHK-un.
"Kemi atmosferë të mirë dhe presim që shpejt të na bashkohen në SBASHK-u edhe disa shkolla të Podujevës", ka veçuar z. Halimi.
Koordinatorja e projektit, znj. Albina Arsifi ka informuar pjesëmarrësit lidhur me çështjet kryesore të licencimit, kurse juristi Blendor Shatri ka folur lidhur me shërbimet juridike. Ai ka theksuar edhe në Podujevë se SBASHK-u ka arritur më shumë se 100 marrëveshje me bizneset private dhe me institucione shëndetësore e rekreative në Kosovë e Shqipëri për zbritje çmimesh të shërbimeve për mësimdhënësit sindikalistë. Ai ka ftuar mësimdhënësit e Podujevës të jenë vizitorë të rregullt të ueb faqes së SBASHK-ut ( www. sbashk-rks.org) , në të cilën do të gjejnë gjithë informacionet e duhura dhe po ashtu aty kanë mundësi të shtrojnë edhe pyetje për të marrë me kohë përgjigje.

Po publikojmë regjistrin e anëtarëve të SBASHK-ut, të cilët do të pushojnë në Durrës nga data 22-27 qershor 2015.
Pushuesit janë përzgjedhur nga shoqatat sindikale të shkollave dhe ne i kemi pranuar emrat e tyre përmes kryetarëve sindikal të komunave. Përzgjedhja është bërë sipas kuotës së përcaktuar të SBASHK-ut (çdo 58 anëtarë – një pushues), e cila është publikuar në ueb-faqen e SBASHK-ut me datë 20 maj 2015.
Ndryshimi i emrave të pushuesve, së bashku me arsyetim, mund të dërgohen deri me datë 17 qershor 2015, ndërsa me datë 18 qershor 2015 do të mbahet mbledhja e komisionit, i cili do t'i shqyrtoj listat për ndryshime dhe me datë 19 qershor 2015 do të publikohet lista përfundimtare, e cila nuk mund të ndryshohet më.

Regjioni : PRISHTINË

Udhëheqëse: Kimete Maxhuni

Regjioni : FERIZAJ

Udhëheqëse: Taibe Gashi

Regjioni : MITROVICË

Udhëheqës: Naip Azemi

Regjioni : PEJË

Udhëheqës: Avdullah Bujupi

Regjioni : GJAKOVË

Udhëheqës: Samidin Bytyqi

Regjioni : PRIZREN

Udhëheqës: Nehat Vehapi

Regjioni : GJILAN

Udhëheqës: Adem Halabaku

Për tri ditë me radhë ka zhvilluar me sukses punimet trajnimi për forcimin kapaciteteve për udhëheqjen efektive të dialogut social. Ky trajnim është zhvilluar në kuadër të projektit të përbashkët të KEC e SBASHK "Fuqizimi i rolit të SBASHK-ut në hartimin e politikave arsimore". Ky projekt mjaft përmbajtjesor po mbështetet nga Komisioni Evropian, zyra e BE-së në Prishtinë dhe po zhvillohet duke shënuar arritje të shumta.
Gjatë tri ditëve të këtij seminari trajnerët e licencuar Ymer Ymeri e Vjollca Shala kanë shtjelluar tema e çështje me rëndësi lidhur me dialogun social në Evropë dhe në Kosovë. Përfaqësuesit sindikalë nga Mitrovica e Vushtrria, komuna këto të përzgjedhura nga KEC, kanë dëshmuar përkushtim dhe dëshirë të madhe për të marrë njohuri të reja lidhur me çështje të dialogut social, që është dhe mbetet shumë aktual edhe sot e gjithmonë për SBASHK-un. "Hyrje dialogun social", "Dialogu social në kontekstin kombëtar", "Dialogu në nivel evropian", "Zgjidhja e konflikteve ", "Negocimi me punëdhënësit", ishin disa nga temat që janë hapur e shtjelluar gjatë tri ditëve të seminarit. Bashkëbiseda dhe përpjekjet që bashkërisht të debatoheshin çështjet dhe të ofroheshin zgjidhjet më të mira e kanë bërë shumë dinamik këtë trajnim, aq sa pjesëmarrësit nuk shikonin kohën dhe nuk shkonin as edhe në pauzat e parapara pa dhënë mendime konkrete e pa kryer me përpikëri detyrat që shtronin trajnerët bazuar në temat që po debatoheshin.
Moment i veçantë është krijuar kur pesë grupet e punës kanë nisur trajnimin praktik duke u ndarë në punëdhënës dhe të tjerët në përfaqësues sindikalë. Pjesëmarrësit aq ishin thelluar në çështjet sa që krijohej përshtypja se kemi të bëjmë me raste shumë reale, që po ndodhnin pikërisht në momentin që po zhvillohej ky trajnim. Pjesëmarrësit e treguan praktikisht se gjatë gjithë këtij trajnimi kanë shtuar njohuritë për dialogun social dhe do të jenë të gatshëm për të përfaqësuar sindikatën në dialogun që do të zhvillohet që nga shkollat , në nivelin komunal me punëdhënësin e pse jo edhe në nivelin qendror duke iu bashkëngjitur ekipeve negocuese sipas situatës dhe aktualitetit. Në mbështetje të trajnerëve janë gjendur edhe asistentja në SBASHK, Vlora Rexhepi Berisha dhe përfaqësuesi i KEC, z. Sokol Statovci.
Kryetari i SBASHK-ut, Rrahman Jasharaj, në mbyllje të këtij seminari, ka lavdëruar punën e përkushtuar të trajnerëve Ymerie Shala dhe ka përgëzuar pjesëmarrësit për angazhimet, qëndrimin dinjitoz të tyre dhe unitetin që është edhe forcë e madhe e SBASHK-ut.

Në kuadër të Projektit "Fuqizimi i rolit të SBASHK-ut në hartimin e politikave arsimore" që me sukses po zhvillohet falë bashkëpunimit të mirë mes SBASHK-ut dhe KEC-it dhe mbështetjes së Komisionit Evropian, gjegjësisht zyrës së BE-së në Prishtinë, është duke u punuar intensivisht në forcimin e kapaciteteve për udhëheqjen efektive të dialogut social. Në këtë funksion është duke u zhvilluar trajnimi me udhëheqës sindikal të shoqatave nga shkollat e Mitrovicës dhe Vushtrrisë. Përzgjedhjen e këtyre dy komunave e ka bërë KEC dhe fillimet e trajnimit premtojnë se do të forcohen kapacitetet e SBASHK-ut për udhëheqje të suksesshme të dialogut social.
Në fjalën e tij kryetari i SBASHK-ut, Rrahman Jasharaj, ka lavdëruar arritjet e Projektit "Fuqizimi i rolit të SBASHK-ut në hartimin e politikave arsimore" dhe bashkëpunimin korrekt e domethënës mes të KEC-it dhe SBASHK-ut. Ai ka theksuar se ky projekt përmes trajnimeve ka bërë që SBASHK-u të ketë trajnerë të licencuar për shumë tema kyçe për SBASHK-un. Ai ka përshëndetur trajnerët e licencuar për dialogun social Vjollca Shala, Ymer Ymeri, asistenten Vlora Rexhepi Berisha dhe përfaqësuesin e KEC-it, z. Sokol Statovci. Pas kësaj ka nisur me punimet e ditës së parë trajnimi për dialogun social.
Ajo që vlen të lavdërohet në ditën e parë të trajnimit është mënyra e komunikimit dhe e ligjërimit të trajnerëve, të cilët i kanë ikur formës klasike të ligjërimit, por kanë nxitur bashkëbisedën dhe pjesëmarrësit nga Mitrovica e Vushtrria janë kthyer në pjesë aktive të trajnimit duke dhënë ide konkrete e duke shtruar pyetje mjaft interesante.
Përgjigjet në këto pyetje fillimisht i japin vetë pjesëmarrësit për t'u plotësuar ato nga trajnerët. Një interesim të veçantë në ditën e parë të trajnimit ka zgjuar çështja e sfidave në dialogun social dhe pjesëmarrësit me shembuj konkret nga mesi ku punojnë e veprojnë kanë treguar për sfidat që përcjellin gjithë aktivitetet sindikale e sidomos atëherë kur dialogu nuk jep rezultatet e duhura.
Pjesëmarrësit në punimet e tyre në grupe janë shprehur se SBASHK-u ka arritur të krijojë besim te anëtarësia dhe se ky unitet e besim duhet ruajtur sepse vetëm kështu kalohen sfidat dhe vazhdohet me arritje e suksese.

Bashkëbisedë korrekte lidhur me çështje aktuale

Duke vazhduar me realizimin e agjendës së takimeve me mësimdhënës në kuadër të projektit të përbashkët SBASHK- KEC "Fuqizimi i rolit të SBASHK-ut në hartimin e politikave arsimore", kryetari i SBASHK-ut Rrahman Jasharaj i shoqëruar nga menaxheri financiar Ymer Ymeri dhe juristi Blendor Shatri janë takuar me kryetar të shoqatave sindikale të shkollave të Suharekës.
Në fillim të këtij takimi kryetari i SAF e SAM për komunën e Suharekës ,z. Sadik Shala, ka përshëndetur përfaqësuesit e SBASHK-ut e pastaj ka bërë një shpalosje të aktiviteteve sindikale në këtë komunë duke u shprehur se janë shënuar arritje të konsiderueshme. Pas kësaj kryetari i SBASHK-ut, Rrahman Jasharaj ka folur për sfidat dhe për arritjet e SBASHK-ut. Ai edhe në Suharekë është shprehur krenar për unitetin që mësimdhënësit po tregojnë duke forcuar rolin e SBASHK-ut në përpjekje për të realizuar kërkesat e mësimdhënësve. Kryetari Jasharaj dhe menaxheri i financave, Ymer Ymeri kanë bashkëbiseduar me të pranishmit edhe lidhur me licencimin dhe përformancën e mësimdhënësve duke u përgjigjur kështu edhe në shumë pyetje. Juristi Blendor Shatri është inkuadruar në bashkëbisedë duke folur për shërbimet juridike që ofron SBASHK-u për anëtarët e vet. Po ashtu Shatri ka kujtuar pjesëmarrësit për 100 marrëveshjet që SBASHK-u ka nënshkruar me bizneset dhe institucionet shëndetësore e rekreative private për zbritje çmimesh të shërbimeve për mësimdhënësit që kanë kartela sindikale.

Më datën 3 dhe 4 qershor do të qëndrojë në Prishtinë, sekretari i përgjithshëm i EI-së,z. Fred van Leeuwen, i cili përfaqëson 30 milionë anëtarë nga e tërë bota , duke përfshirë edhe SBASHK-un. Leeuwen do të shoqërohet nga z. Walter Dresscher, nënkryetar i Komitetit të Sindikatave Evropiane të Arsimit ( ETUCE) dhe kryetar i AOB-së ( Sindikata e Arsimit e Holandës).
Për SBASHK-un është një nder i madh dhe kënaqësi e veçantë që do të ketë mysafirë këta njerëz, të cilët në kohët më të vështira për arsimin e Kosovës në vitet 90-99 gjithmonë ishin përkrah punonjësve të arsimit të Kosovës. Angazhimi i tyre i madh ka bërë që e vërtetat mbi arsimin e Kosovës të debatohej në Asamblenë e Përgjithshme të UNESCO-së në vitin 1993, pas fjalës së kryetarit të atëhershëm të SBASHK-ut, dr. Agim Hyseni. Po ashtu z. Fred dhe z.Walter kanë dhënë kontribut të veçantë që SBASHK-u në vitin 1996 të pranohej si anëtare me të drejta të barabarta në EI. Ky angazhim i tyre ka vazhduar edhe pas luftës dhe me ndihmën e tyre në vitet 99- 2000 janë ndërtuar , rinovuar e pajisur 52 shkolla në Kosovë, që ishin shkollat e para të ndërtuara pas luftës.
Kontributin e tyre e kanë vazhduar edhe me trajnimin e mësimdhënësve për reformat në arsim. Këto janë vetëm disa nga kontributet që kanë dhënë për mbështetjen ndaj arsimit në Kosovë dhe SBASHK-ut në veçanti.
SBASHK-u ndjehet i nderuar me këtë vizitë aq më tepër kur dihet se z. Fred dhe stafi i tij janë shumë të zënë në angazhimet për përgatitjen e Kongresit 7 të EI-së, që mbahet në muajin korrik në Otavë të Kanadasë.
Vizita pikërisht në këto momente të mëdha të angazhimit të EI-së dëshmon edhe një herë përkushtimin e EI-së dhe ETUCE-së që kanë për SBASHK-un, që si gjithmonë , edhe tani të jenë përkrahës të kërkesave të sindikalistëve të arsimit në Kosovë, të shohin nga afër arritjet, sfidat dhe nevojat që ka SBASHK-u për përkrahje nga EI dhe ETUCE.
Gjatë qëndrimit në Kosovë pritet që ky delegacion të vizitojë edhe ndonjë institucion arsimor dhe të ketë takime me udhëheqës vendor.

Anëtarët e Komisionit Parlamentar për Shëndetësi, Punë dhe Mirëqenie Sociale janë shprehur se pikërisht në vitet 1989- 1999 mësimdhënësit e Kosovës kanë dhënë kontribut të lartë në mbajtjen gjallë të arsimit dhe se ata meritojnë respekt të lartë për këtë dhe se institucionet duhet të bëjnë gjithë angazhimet në mënyrë që mësimdhënësit të gëzojnë pensionin e merituar të punës.

Një delegacion i SBASHK-ut, i kryesuar nga kryetari Rrahman Jasharaj, janë gjendur në ambientet e Kuvendit të Kosovës për t'u takuar me anëtarët e Komisionit Parlamentar për Shëndetësi, Punë dhe Mirëqenie Sociale e për të kërkuar nga ata ngritjen e çështjes së Ligjit për Skemat Pensionale të Financuara nga Shteti. Ky Ligj është dekretuar nga presidentja e Kosovës,znj. Atifete Jahjaga më 21 maj të vitit 2014, por pika 6 e nenit 8 të tij nuk po gjen zbatim dhe kështu mësimdhënësit e Kosovës nuk po gëzojnë pensionin e punës, por atë të pleqërisë. Ky veprim i pakuptueshëm i nivelit qendror e lokal të pushtetit ka bërë që në selinë e SBASHK-ut të vijnë vazhdimisht ankesa nga mësimdhënësit e pensionuar. SBASHK-u ka kohë që kishte kërkuar përkrahjen e presidencës në mënyrë që të vihet në jetë pika 6 , që thotë se : " Me këtë ligj u njihet stazhi i punës për pension kontributdhënës për vitet 1989-1999 punëtorëve të arsimit, të shëndetësisë dhe të tjerëve që kanë punuar në sistemin e Republikës së Kosovës". SBASHK-u kishte marrë përgjigje nga Këshilltari i Lartë i presidentes, z. Ramush Tahiri se ligji është i qartë dhe se duhet të vihet në jetë. Kjo nuk ka ndodhur dhe prandaj në përpjekje për realizimin e kësaj kërkese legjitime të anëtarësisë delegacioni i SBASHK-ut ka bashkëbiseduar lidhur me këtë me anëtarët e e Komisionit Parlamentar për Shëndetësi, Punë dhe Mirëqenie Sociale.
Kryetari i SBASHK-ut, Rrahman Jasharaj dhe menaxheri financiar Ymer Ymeri, kanë falënderuar kryetaren e komisionit, znj. Flora Brovina dhe gjithë anëtarët e tjetër dhe kanë kërkuar nga ata që ta ngritin këtë çështje në takim me Ministritë gjegjëse dhe në Parlamentin e Kosovës në mënyrë që Ligji për Skemat Pensionale të Financuara nga Shteti të implementohet në tërësi në mënyrë që mësimdhënësit e pensionuar ta gëzojnë pensionin e merituar të punës. Të gjithë anëtarët e këtij Komisioni Parlamentar janë shprehur se kërkesa e SBASHK-ut lidhur me këtë çështje është e drejtë dhe se ata do të angazhohen me tërë mundësitë e tyre që Ligji të implementohet në tërësi.
Anëtarët e Komisionit Parlamentar për Shëndetësi, Punë dhe Mirëqenie Sociale janë shprehur se pikërisht në vitet 1989- 1999 mësimdhënësit e Kosovës kanë dhënë kontribut të lartë në mbajtjen gjallë të arsimit dhe se ata meritojnë respekt të lartë për këtë dhe se institucionet duhet të bëjnë gjithë angazhimet në mënyrë që mësimdhënësit të gëzojnë pensionin e merituar të punës.

Duke vazhduar me takimet me mësimdhënësit sindikalistë të Kosovës, delegacioni i SBASHK-ut dhe KEC-it janë gjendur në bashkëbisedë me mësimdhënësit sindikalistë të Gjakovës. Duke hapur takimin, kryetari i SAF dhe SAM të Gjakovës z.Sali Maliqi pasi ka përshëndetur kryetarin e SBASHK-ut Rrahman Jasharaj, koordinatoret e projektit Melinda Mula dhe Albina Arifi dhe juristi Blendor Shatri ka bërë një shpalosje të aktiviteteve sindikale në këtë komunë. Pas kësaj koordinatoret e projektit kanë folur për licencimin e mësimdhënësve dhe sfidat që i ka ky proces. Juristi Shatri ka njoftuar të pranishmit për mbrojtjen juridike që mund ta gëzojnë ata dhe i ka këshilluar që shqetësimet e tyre ti adresojnë në ueb-faqen e SBASHK-ut.
Në Gjakovë ka pasur shumë pyetje lidhur me temat e debatuara dhe kjo ka bërë që takimi të kthehet në bashkëbisedë.
Një atmosferë pune është parë edhe në ambientet e Kuvendit Komunal të Rahovecit. Kryetari i SAF dhe SAM të kësaj komune z.Murat Kryeziu ka bërë një analizë të arritjeve dhe sfidave sindikale në ktë komunë. Pas kësaj koordinatoret Melinda Mula dhe Albina Arifi kanë dhënë shumë sqarime lidhur me licencimin e të punësuarve në arsim, duke u dhënë këshilla pjesëmarrësve se si duhet të përgatiten dhe çfarë duhet të bëjnë kur është fjala për licencimin dhe performancën.
Pjesëmarrësit i kanë shtruar shumë 

pyetje juristit Blendor Shatri lidhur me mbrojtjen juridike dhe janë ndarë të kënaqur nga përgjigjet e z.Shatri.
Pas kësaj kryetari i SBASHK-ut Rrahman Jasharaj dhe kryetari i SAF dhe SAM z.Kryeziu janë ndalur në një bashkëbisedë me kolegët e tyre.
Kryetarët e shoqatave sindikale në Rahovec kanë treguar kërkesat e tyre dhe kanë shprehur edhe respekt e përkrahje për kryetarin Jasharaj, kryesinë dhe për Këshillin Drejtues të SBASHK-ut.
Ata kanë kërkuar takime të tilla edhe në të ardhmen.