Edhe Universiteti "Fehmi Agani" i Gjakovës bashkë e në SBASHK
Një moment i veçantë nga kjo viztë pune ishte takimi i delegacionit të SBASHK-ut me rektorin e Universitetit "Fehmi Agani", prof. ass. Dr. Artan Nimani. Ai ka shprehur gatishmërinë për bashkëpunim mes tij, stafit udhëheqës dhe SBASHK-ut duke përgëzuar z. Denis Spahija dhe të punësuarit këtu që janë bërë pjesë e SBASHK-ut.
Falë angazhimit të vazhdueshëm te SBASHK-ut në shërbim të anëtarësisë dhe punës së përkushtuar sindikale të kryetarit të Sindikatës së Universiteteve, të Kosovës , Bardh Bardhi dhe kryesisë është shtuar dukshëm numri i anëtarëve të SBASHK-ut edhe në Universitetet e Kosovës .
Në një takim përmbajtjesor në ambientet e Universitetit "Fehmi Agani" edhe të punësuarit në këtë institucion të respektuar arsimor kanë shprehur vullnetin për t'u bërë pjesë e SBASHK-ut. Pjesë e këtij takimi kanë qenë edhe kryetari i SBASHK-ut Rrahman Jasharaj, kryetari i SUSHK-ut, Bardh Bardhi dhe juristi në SBASHK, Blendor Shatri.
Në hapje të këtij takimi kryesuesi i Këshillit Inicues , Denis Spahija ka përshëndetur mysafirët e takimit e pastaj ka shtuar se edhe të punësuarit e këtij institucioni të lartë arsimor kanë shprehur vullnetin për t'u bërë pjesë e SBASHK-ut ngase kanë vërejtur se kjo sindikatë është duke u angazhuar me përkushtim dhe se ka shënuar rezultate e arritje të konsiderueshme.
Kryetari i SBASHK-ut Rrahman Jasharaj ka uruar pjesëmarrësit që po bëhen pjesë e SBASHK-ut e pastaj ka folur për arritjet, por edhe për sfidat me të cilat është përballur e pritet të përballet kjo sindikatë duke shtuar se ndjehet krenar që edhe Universiteti "Fehmi Agani" i Gjakovës erdhi bashkë e në SBASHK.
Kryetari i SUSHK-ut, Bardh Bardhi ka uruar kolegët e tij dhe ka kujtuar se numri i anëtarëve të SBASHK-ut ka universitetet, por edhe nga shkenca e kultura ka shënuar rritje të vazhdueshme dhe kjo shton forcën dhe angazhimet në SBASHK drejt arritjeve të reja. Ai ka kujtuar se një arritje e madhe, krahas 0.5 % për çdo vit shërbimi, Ligji i viteve të 90-ta, Korrigjimet në Ligjin e pagave , është edhe fakti se falë angazhimit maksimal u arrit të nënshkruhej Kontrata e Arsimit të Kosovës, në të cilën janë përfshirë edhe Universitetet.
Jasharaj, Bardhi dhe Shatri u janë përgjigjur pas kësaj pyetjeve të anëtarëve të rinj të SBASHK-ut në këtë institucion të respektuar arsimor.
Një moment i veçantë nga kjo vizitë pune ishte takimi i delegacionit të SBASHK-ut me rektorin e Universitetit "Fehmi Agani". Rektori prof. ass. Dr. Artan Nimani ka falënderuar mysafirët për këtë vizitë dhe pastaj ka folur për angazhimet e mëdha që janë duke u bërë në këtë Institucion të lartë arsimor për të shënuar arritje të reja. Ai ka shprehur gatishmërinë për bashkëpunim mes tij, stafit udhëheqës dhe SBASHK-ut duke përgëzuar z. Denis Spahija dhe të punësuarit këtu që janë bërë pjesë e SBASHK-ut. Ai ka shtuar se do të angazhohet që përfaqësuesi i sindikatës të jetë pjesë në të gjitha institucionet dhe grupet e punës në Universitet.
Jasharaj, Bardhi dhe Shatri kanë falënderuar rektorin Nimani për mikpritjen dhe i kanë premtuar bashkëpunim korrekt dhe mbështetje te sindikatës në angazhimet në shërbim të arritjeve të reja në këtë institucion të arsimit të lartë.