Sindikata e Bashkuar e Arsimit Shkencës dhe Kulturës

Kuvend i suksesshëm zgjedhor në Gjakovë

Prishtinë,13.11.2017
Në shumicën e komunave të Kosovës janë mbajtur me sukses Kuvendet zgjedhore të SAF e SAM dhe prandaj ky aktivitet i rëndësishëm është afër përmbylljes. Në kuadër të këtij aktiviteti në shtunën, më 11 nëntor 2017 , është mbajtur Kuvendi zgjedhor i SAF e SAM për Komunën e Gjakovës. Ky kuvend është mbajtur në ambientet e Hotelit "Pashtriku" dhe në fillimet e punimeve të tij kryetari i këtij Kuvendi , Sali Maliqi ka përshëndetur kryetarin e SBASHK-ut, Rrahman Jasharaj dhe menaxherin për financa e administratë e këshilltar për organizim të brendshëm, Ymer Ymeri.
Pas kësaj z. Maliqi ka prezantuar raportin e punës dhe atë financiar, raporte këto që janë aprovuar nga pjesëmarrësit e këtij takimi.
Në vazhdim të këtij takimi kryetari i SBASHK-ut, Rrahman Jasharaj ka përshëndetur të pranishmit dhe ka lavdëruar angazhimin e z. Maliqi, kryesisë dhe gjithë anëtarësisë së SBASHK-ut në këtë Komunë. Ymer Ymeri, , i cili në Kuvendet zgjedhore merr pjesë në cilësinë e kryetarit të Komisionit statutar ka dhënë këshilla për rrjedhën e mbarë të zgjedhjeve duke u mbështetur në Statutin aktual të SBASHK-ut. Pas kësaj janë propozuar kandidatët për të gjitha funksionet dhe komisioni zgjedhor ka nisur me procesin e zgjedhjes përmes votës së fshehtë. Duke numëruar publikisht secilën votë u pa se kryetar i Kuvendit të SAF e SAM për Gjakovën u rizgjodh Sali Maliqi, kurse nënkryetare u zgjodh Mentore Vejsa.
Anëtarë të Kryesisë janë zgjedhur : Pal Xhuxha, Naim Ibrahimi, Zenun Nimani, Mirash Nikollbibaj, Klodiana Kryeziu, Ismet Mamuti dhe Xhemajl Avdia.
U zgjodh edhe Komisioni mbikëqyrës në këtë përbërje: Lush Ibrahimi, Naser Ahmeti dhe Indira Shehu.
Delegatë nga Gjakova për Kongresin VII të SBASHK-ut janë zgjedhur: Neki Rama, Naim Ibrahimi, Valdete Bicurri, Klodina Kryeziu, Hedije Osmani dhe Selvie Morina, kurse për Këshillin Drejtues janë zgjedhur: Zija Hasani, Valdete Bicurri , dhe Bajram Salihu me zëvendësuesit e tyre të mundshëm: Fllanza Kusari, Klodina Kryeziu dhe Hamëz Ibrahimi.
Edhe anëtarët e Kuvendit të SAF e SAM të Gjakovës duke respektuar angazhimin dhe përkushtimin e kryetarit të SBASHK-ut, Rrahman Jasharaj ka propozuar atë edhe për një mandat në këtë funksion të lartë sindikal.