Gjatë paradites kryetari I SBASHK-ut z.Rrahman Jasharaj vizitoi grevistët në Fakultetin e Edukimit, Fakultetin Juridik dhe Fakultetin e Arteve, me të cilët bisedoi dhe iu garantoi se "SBASHK-u,pjesë e së cilës jeni edhe ju , dhe unë si kryetar i SBASHK-ut, do të jemi në mbështetje të kërkesave tuaja deri në realizimin e plotë të tyre" .
Kryetari i njoftoi grevistët e Universitetit të Prishtinës se sot është zhvilluar edhe grevë e përgjithshme dy-orëshe në tërë territorin e Republikës se Kosovës në të gjitha institucionet arsimore parauniversitare,përveç çerdheve dhe greva juaj na fuqizon edhe më tepër drejt realizimit të kërkesave tona legjitime të cilat na i garantojnë ligjet dhe kushtetuta e Republikës së Kosovës. Njëherit i bëjmë thirrje organeve të Rektoratit të UP-së që ti plotësojnë kërkesat tuaja në mënyrë që mos të vjen deri të radikalizimi i veprimeve sindikale.