"Plus Market", "Fin Performance", "Melodia px" dhe Poliklinika & Barnatorja "Zeka" janë katër bizneset që kanë lidhur marrëveshje me SBASHK-un për zbritje çmimesh të shërbimeve për mësimdhënësit sindikalistë në Komunën e Ferizajt. Përfaqësuesi i SBASHK-ut , z. Rexhep Sadiku, shprehet me respekt për pronarët e këtyre bizneseve, të cilët në shenjë respekti për punën e mësimdhënësve në edukimin e brezave kanë pranuar me kënaqësi të nënshkruajnë marrëveshje të tilla.
Rexhepi tregon se në "Plus Market" edhe ashtu çmimet janë më të ulëta dhe këtu marrëveshja është për zbritje prej 2 % për të gjithë artikujt. Në "Fin Performance" mësimdhënësit sindikalistë do të kenë zbritje çmimesh prej 15 %.
Në "Melodia px"e pronarit Astrit Gashi, marrëveshja precizon se zbritja e çmimeve do të jetë 10 për qind.
Një marrëveshje me rëndësi për anëtarët e SBASHK-ut në Ferizaj është ajo me Poliklinikën dhe barnatoren "Zeka". Menaxheri këtu Mr.Ph. Z. Kamberi. Shërbimet këtu do të jenë me zbritje për 10 %. Poliklinika & Barnatorja "Zeka" përveç barnatores janë edhe shërbimet në laborator, rëntgen dhe kontrolli mjekësor.