Kryetari i Prishtinës Shpend Ahmeti takoi kryesinë e SBASHK-ut
Prishtinë,14.04.20104-Në kuadër të aktiviteteve për takime njohëse me kryetarët e Komunave të Kosovës, një delegacion i SBASHK-ut i udhëhequr nga kryetari Rrahman Jasharaj janë takuar me kreun e Prishtinës,z. Shpend Ahmeti.
Jasharaj ka informuar të parin e Prishtinës për angazhimet momentale të SBASHK-ut dhe për çështjet e ngritura nga anëtarësia në Prishtinë.
Kryetari Ahmeti ka përgëzuar kryesinë e re të SBASHK-ut dhe është shprehur i gatshëm për angazhime të përbashkëta në shërbim të arsimit në kryeqytet.
Menaxheri financiar i SBASHK-ut, Ymer Ymeri ka ngritur çështjen problematike nëpër komuna të 0.3 % për përvojën e punës, nuk ka lëvizur në pagat e mësimdhënësve që nga viti 2008. Kryetari i Prishtinës, z. Shpend Ahmeti ka premtuar se do të angazhohet lidhur me zgjidhjen e kësaj çështjeje.
Të dy palët janë pajtuar që të kenë takime edhe në të ardhmen për të bashkërenditur aktivitet në shërbim të arsimit në komunën e Prishtinës